Plantun de Prouvènço

Pèr coumpara dos planto d'encò nostre

Plantago alpina & Myosotis arvensis

Plantago alpina

Plantaginaceae

Nom en français : Plantain des Alpes.

Descripcioun :
L'erbo-de-muret es un plantage d'auto mountagno que trachis dins li pelouso e li coumbo à nèu. La maje-part di flour soun longo e primo e quauquis uno bèn mai courteto en triangle e dessecado à la flouresoun.

Usanço :
Coume forço plantage, l'erbo-di-muret es uno planto manjadisso e vertuouso. Li fueio se manjon en ensalado o cuecho, alor que li bouroun se podon adouba e manja coume de tapeno. Ei vertuouso pèr assana e souda li plago, li pougnaduro de tavan e d'un biais generau es astringènto e remoulissènto.

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Plantago
Famiho : Plantaginaceae

Ordre : Lamiales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Auto mountagno
Estànci : Subaupen à Aupen
Couroulougi : Pancaro entresigna
Ref. sc. : Plantago alpina L., 1753 (= Plantago maritima subsp. alpina (L.) O.Bolòs & Vigo, 1983 )

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").